> Zurück

Regio-Cup Frauen

Simon Stäheli 09.03.2018

Eusi Damämannschaft 3. Liga het gescht umä Finalihzug im Regio-Cup gegä d’2. Liga Mannschaft vo Birseck gspielt. In dr erschtä Halbzyt hei sich d’Sissacherinnä eher schwer do mit dr sächs null Verteidigung vo dä Birsecker Frauä und ihrerä starkä Kreisspielerin. Durch es schnälls Spiel vo dr Anja Waldner mit dr Nummerä 16 und dankerä top Leischtig vo dr Flügelspielerin Sandra Brühlmann mit dr Nummerä 2 hei eusi Sissacherinnä aber ä starkä Start in diä zweuti Halbzyt zeigt. Leider het dä Druck nid bis am Schluss chönä biphaltä wärdä, wodurch eusi Frauä leider miterä Niederlag vo 12 zu 24 usem Regio-Cup usscheidä.

Matschrückblick vo dr Anja Waldner mit dr Nummerä 16, Mittispielerin vo dä Sissacher Frauä:
«Mir hend leider nid an letschte Match chönne aknüpfe, do mir unkonstant zeigt hend was mir eigentlig chönne. Aber mir chönne uf dem ufbaue für e negscht Match»